Listen Now: 
Tirohia nga tatauranga kei reira nga taunaki korero
Ki nga korero a etahi, kaahore te Piriimia e maarama ana ki nga kaupapa tauwhaaiti e paa ana ki te tatauranga nui o te Maori kei nga whare herehere.
Ki taa Kim Workman kaitohutohu o te roopu e kiia nei ko Just Speak, kaore a John Key e kite ana i te aaputa nui i waenga i te Maori me te Paakeha mo te taaruatanga o nga hara waihoki, ko nga whareherehere akiaki mahi kiihai i whai hua i nga waa o mua, pera ano te otinga inaianei.
Rerenga kee
Kei hea nga kaimahi kiri parauri?
E whakatairanga ana a kamupene ture a Russell McVeagh i te rerenga kee o nga kaimahi kia maha ake nga taangata Maaori Pasifika puta noa te pakihi.
Kua tuu tetahi hui i tenei wiki, i reira nga toihau 50 e matapaki ana i te rerenga kee ki roto i o ratou roopu, i o ratou kamupene, i o ratou pakihi.
Ki etahi, te nuinga kei aua kamupene he kiritea.
Tainui whenua
Kei te pirangi a Waikato Tainui kia arotakengia te hiahia o kamupene Solid Energy ki te hoko atu i etahi whenua paatata atu ki Raahui Pookeka.
Ki etahi ma reira ka whakamaatautau i nga ture mo te whakataunga Tiriti o Waitangi a te iwi.
Hai taa Raahui Papa Tiamana o Te Ara Taura, e rua nga porohanga whenua e hiahiatia ana e Waikato Tainui.
Engari kiihai i whakatauhia te take. Na reira ka tuku atu te iwi i taa ratou tono ki te kooti i te raa nei.
Copyright © 2016, UMA Broadcasting Ltd: www.waateanews.com
RELATED NEWS
