March 04, 2013
He nui ngā kaupapa ako, ka puta ko ngā hua ki te iwi whānui
Mai i te Awa ō Pātea ki uta ki Matemateaonga, Matemateaonga ki Taipake, Taipake ki te Kaihau-ā Kupe, Ngā Rauru Kītahi Maranga Mai.
Mai te rā tua waru ō tēnei marama tae atu ki terā tekau ka tū te huihuinga whakahirahira mō ngā uki ō Ngā Rauru Kītahi, arā Ko Te Toi Ahurea.
Hei te iwa ata mai ō te Rāmere ka timata te pōwhiri mō te Toi Ahurea ki te mārae ō Wairoa Iti.
Ka tū ngā mahi nui rawa atu mō ngā uki ō Ngā Rauru Kītahi pērā i te mahi kapahaka, ngā mahi Toi, ngā wānanga whakapapa, ngā wānanga hitori, ngā mahi mō ngā kaumatua, ngā toa ō ētehi mārae, ngā mahi hākinakina mō te hungaririki, ngā tāutohetohe, ngā hākinakina, mē tētehi kai hākari.
Ko te arotahi ō te wānanga nei kia whakanuiā ngā uki ō Ngā Rauru i tā rātou Ngā Raurutanga mai i te whakawhānaungatanga, ngā tikanga-ā-Iwi, mē ngā mahi hākinakina.