February 27, 2013
He kaupapa uaua hai whakatau
Ka waiho ki ngā ringa ō te Kooti Taiao, te kōrero whakamutunga mō te kaipuke Rena, inā, ka kore te iwi mē te hāpori ō Tauranga e whiriwhiri he aha te huarahi mō te kaipuke.
I te pō ā te Rātu, i tū tētahi ō ngā hui-ā-hāpori ki te whakawhiti kōrero, e pā ana ki te kaipuke Rena.
Ko te take ia, mē noho te toenga ō te kaipuke ki te Pūkawa ō Otāiti, mē kāhaki rānei te katoa.
Hei tā Kāpene John Owen, te rangatira keremē matua mō te rōpū inihua, The Swedish Club, kua tata te wā me whakatau te huarahi mō te kaipuke nei.
Ki te kore te hāpori ō Tauranga e whiriwhiri ka aha te kaipuke, ka waiho mā te Kooti Taiao te taunga whakamutunga mō te kaipuke Rena.
Copyright © 2013, Uma Broadcasting Ltd