Listen Now: 
Ko te tikanga e pai ana kia waihō atu ngā kurī hongihongi i ngā kura koirā te whakapono ō Jenny Rooney-Gibbs mai te rōpū Rubicon, he kaimahi waipiro tarukino mā ngā rangatahi ā Jenny ō Te Tai Tokerau.
Mea nei ia e pai ana kia mōhio kei hea ērā rangatahi e raru ana i te tarukino me te waipiro, ā ka mōhio ko wai, ko wai, ka āwhina atu i aua āhuatanga.
Ahakoa i tērā marama i puta mai te ture hou i te Education Amendment Bill, mea nei horekau āhei ana ngā kaiako me ngā kai kirimana ki te mahi i ngā kurī hongihongi ki ngā ākonga ō ngā kura i Aotearoa nei.
Ka whakapono tonu ā Jenny he pai te mahi ā ngā kurī raka.
Mea nei nōki pēna ka tango i aua kurī mai i ā rātou mahi hongihongi, he hokinga whakamuri tērā mā ngā rangatahi me ngā kaimahi ō Rubicon.
He āwhina tino pai rawa atu te hōtaka Rubicon mō ngā rangatahi i te mea āhei tonu ana rātou ki te noho ki te kura me te noho ki tētahi kirimana mō te kotahi tau, ā horekau puta mai tētahi hāmene mā te rangatahi ki te kooti.
Ko te āhua nei ko te rima rau neke atu ō ngā rangatahi ka hono atu ki tēnei kaupapa ia tau.
RELATED NEWS
