June 17, 2024
Wānanga Waiata | Kia puta ngā titonga hōu a Te Arawa ki āna uri maha
Kua whakarauika atu ngā kaitātaki kapa haka, me ngā kaitito waiata o Te Arawa ki te whakarite waiata hōu mō te iwi.
Koia te kōrero a tētahi o ngā māngai ki te kaupapa Te Arawa Songhub a Taha Huata, mō te hui i tū ki Rotorua i ngā wiki tata nei.
He kaupapa nā te rōpū whakature ngāhau arā, a APRA, hei tā Huata, ko tētahi wāhanga ōnā, ko te titiro ki ngā ture, ko tētahi atu wāhanga ko te whakarite waiata mō te iwi.
Hei tā Huata, “Ko te kaupapa matua o te huihui rā o Te Arawa SongHubs, kia whakahuihui i ngā kaitito o te rohe o Te Arawa ki te ako ki te wānanga i ngā tūāhuatanga o te APRA kātahi, ki te whakapakari i ngā pūkenga tito waiata ka rua. Anā, kia tito i ētahi waiata mā te rohe whānui o Te Arawa waka.”