March 07, 2024
Peeni Henare | He mahi tonu kei mua i te aroaro
Ahakoa kei te korokoro o te parata ngā kaupapa here a te pāti Reipa, he mahi tonu kei mua i te aroaro mō rātou.
Koia te kōrero a te Mema Pāremata a Peeni Henare nō muri mai i te aukatingia a te kāwanatanga i Te Aka Whai Ora, tētehi kaupapa i whakahaerehia e ia.
Hei tāna, kāhore he whakaaro kawa tōna ki te Minita Hauora hōu a Shane Reti, ko te kōkiri whakamua i ngā mahi hei oranga mō Ngāi Māori kē te aronga.
Ku pēhi nei ki raro, kua takahia te kāwanatanga ki runga i ngā kaupapa e ngākaunuitia ana i tō tāua iwi Māori. Ēngari i whaiwhai mātou i te whaiwhai, me taku harikoa kua whaaki atu ki tēnei kāwanatanga, kāhore tō tāua iwi e hoki whakamuri ana. Nō reira ko te mahi nui kei mua i te aroaro kia kōrero tahi ki a Shane Reti mō te kaupapa o Te Aka Whai Ora hei tautoko atu i ā ia mē ētehi o ngā kaupapa e whakahaere e ia mō te hauora o tō tātou iwi Māori te take.’