November 29, 2023
He kauwhau matihiko mō te mātauranga Māori
Whaowhia tō kete mātauranga ki ngā kupu a ngā mātanga mātauranga Māori. Koia nei te wairua o tētehi kohinga kauwhau matihiko e whakarewatia e Te Whare Wānanga o Awanuiārangi āpōpō.
E ai ki te kaiwhakahaere whakapā o te whare wānanga, a Jo Holmes, ko te kaupapa e kīia nei ko “Ngā Kauhau Whakamiramira i te Mātauranga Māori” he kohinga o ngā kauwhau motuhake a Tā Hirini Moko Mead rātou ko Tā Pou Temara, ko Ahorangi Linda Tuhiwai Smith ko Kaiwhakawā Layne Harvey mā i hopukina i te roanga o tēnei tau. He tā Holmes, nā Tā Hirini te kaupapa i whakaara, ā, ka matapaki ngā kaikauwhau i te āhua o te mātauranga Māori i tēnei ao.
Hei tā Holmes, ka whakarewatia te kaupapa ā te 1 karaka ā te Taite e tū mai nei ki Te Mānuka Tūtahi Marae i Whakatāne, ā muri i tēnā ka wātea ngā kauwhau i te pae tukutuku o te whare wānanga.