June 29, 2023
Manako – Roimata Minhinnick
![Watermark](/wp-content/uploads/2021/05/logo-4.png)
![](https://waateanews.com/wp-content/uploads/2023/06/Ngati-Te-Ata.jpg)
He maha ngā kaupapa e whakamānawa ana i te mātahi o te tau.
Engari kotahi noa iho te iwi e whakanui ana, e haere ana hoki rā mā runga tereina ki te whakarangatira i tēnei wā o te tau ki a Matariki.
Nō reira ōrāpōtā!
Kei te whakahaeretia e Ngāti Te Ata Waiohua me ōna hoa i te rerewē o Glenbrook i Tāmaki Makaurau, tā rātou taiopenga tuatoru, hei tuku i ngā kōrero tuku iho o Ngāti Te Ata Waiohua ake ki te iwi nui tonu o korā.
Tāpiri ki tēnā, kua huakina e rātou he whare hoko korikori taonga mā ngā tamariki e ngākau reka ana ki te hōtaka a Mahi Pai.
E ai ki te rangatira o Ngāti Te Ata e ai ki a Roimata Minhinnick, ko te whāngai i ngā kōrero hītori, ngā kōrero mō ngā wāhi tapu ngā pūrākau ngā kōrero mō ngā tūpuna anō hoki tētahi wāhi nui i tēnei kaupapa mō te tau nei.
“Ki te atawhai i tā mātou hītori i te reo i ngā tikanga koinā tā mātou hiahia, mā o tātou mokopuna hai mau tonu kia whakapakari ai e rātou wērā mea hai oranga mā rātou”