June 27, 2023
Manako – Teanau Tuiono
He kohi pōti, he whai kaitautoko, he whakatairanga i ngā kaupapa hei oranga mā te katoa hei oranga hoki mā te taiao, koia pū kei te upoko o te rārangi mahi mā ō tātou kaitōrangapū i a tātou e whakatata atu ana ki te kōwhiringa pōti ka tū hei te Oketopa.
I tērā wiki i haere ngātahi atu ngā mema pāremata rātou ko te Pīka o te Whare, a Adrian Rūrawhe ki ngā kura i Te Papaioea, ko te mahi ko te whakatauira i ngā mahi kei rō paremata hei whai pea mā rātou ā tōna wā.
Hei tā te mema pāremata i Ngā Kākāriki hei tā Teanau Tuiono, e kore koe e mōhio mehemea kāore koe e pātai.
“He akoranganui i te mea ko te nuinga o te tangata kāore i te tino mōhio he aha te aha ki te taha o te pāremata me ōna piringa, ōna rerekētanga ki te kāwanatanga, i te mea ko te kāwanatanga e ai ki ngā ture ko tērā ngā minita o te karauna e ai ki ngā tūkanga ko ngā mema o te pāremata ka matapaki [i] ngā pire [i] ngā ture, kātahi [mātou] ka wero.”