I oti i te Taraipiunara o Waitangi ngā mahi arotake i te whakakorenga o Te Aka Whai Ora, arā, te manatū hauora Māori.
Hei tā te Taraipiunara, kāore he mahere a te Kāwanatanga hei whakakapi i ngā mahi a Te Aka Whai Ora, hei whakakapi hoki i ngā āputa hauora Māori, i mua i tana whakakorenga.
I puta te tūtohu a te Taraipiunara kia whakaaro anō te Kāwanatanga ki te whakatū i tētahi anō manatū hauora Māori.
I kōrero mātou ki a Tākuta Rawiri Jansen, te Kaihautū Hauora Matua o mua o Te Aka Whai Ora, i mua i te whakaputanga o te pūrongo nei. Hei tāna, i mōhio pū ia ki ēnei meka i te wā i whakatau ai te Kāwanatanga ki te whakamoe i Te Aka Whai Ora.
