Kei te whakakore te Kāwanatanga i ngā whakaaetanga Mana Whakahono ā Rohe i waenga i ngā iwi me ngā kaunihera, koinei tētahi wāhanga o ngā whakahoutanga ki te Ture Whakahaere Rawa.
I hangaia ēnei whakaaetanga hei whakakaha ake i te reo o ngā iwi ki ngā whakataunga e pā ana ki te whenua me te taiao.
E ai ki te heamana o Te Rūnanga ā Iwi o Ngāpuhi, a Mane Tahere, he takahitanga tēnei i te oati a te Minite Pū, ā, kei te māharahara ngā iwi mō te whai wāhi o tō rātou reo ki ngā whakataunga whanake whenua.
