Kei te hiahia ngā iwi o Te Tai Tokerau ki te whakapai ake i te pūnaha whawhati tata.
I tuku tono a Te Kahu o Taonui ki te Pirimia a Christopher Luxon kia whakatūria he pokapū ohotata motuhake hei tiaki i ō rātou hapori i ngā wā ka pāngia te rohe e ngā āwhā, e parawhenua.
E ai ki a rātou, kāore te pūnaha o nāianei i te tino rite, ā, e tika ana kia tū ngā iwi hei kaikōkiri i tētahi ratonga hou.
E ai ki a Tama Potaka, kei te haere tonu ngā wānanga a te Kāwanatanga mō te whakarato tautoko pūmau mō ngā marae me ngā hapori puta noa i te motu.
