June 11, 2024
Tihini Grant | Kaua e waiho mā te Pākehā a tātou kōrero tuku iho e whangai atu
Mā tātou a Ngāi Māori e whakakōrero i o tātou ake pūrakau mō ngā hītori me ngā pakanga i pēhi kaha i o tātou mātua tūpuna.
Koia te kī a te Poutikanga Reo o te kiriata hōu a Ka Whawhai Tonu, a Tihini Grant, nō mua i te whakarewatanga o te whakaaturanga a te 27 o Hune.
Hei tā Grant, e mau tonu ana ngā whānau Māori i ngā kōrero o neherānā reira he whakatinanatanga a Ka Whawhai Tonu, i aua taonga tuku iho.
‘Kaua ko ngā kōrero i tuhia ki ngā pukapuka Pākehā, kaua ko ngā kōrero a ngā hōia Pākehā, ēngari ko ngā kōrero e mau tonu nei i roto i ngā manawa wera, ngā haka, ngā whānau e pupuri tonu nei i aua kōrero nō reria, āe, he mea nui kia puta mai tēnei kiriata i runga anō i te tirohanga Māori.’