May 22, 2024
Te Aorangi Dillon | Ko te reo Māori anake te reo ka kōrerohia e mātou
Kua whakatauhia e Te Korowai o Ngāruahine ko a rātou wananga kōrero katoa ka tū ki te kāwanatanga, ka tuku i te reo Māori.
Hei tā te tumuwhakarae i te ohu ā-iwi, hei tā Te Aorangi Dillon, he hua tēnei mahi nā rātou i te hiahia a te kāwanatanga ki te poro i te reo ki a rātou tuhinga ā-tari.
Hei tā Dillon, koia nei te rautaki ka whaia e rātou kia ora tō tātou reo, ka mutu, kia rongo whānuitia tōnā reka.
‘I puta mai ngā kaupapahere a te kāwanatanga i tērā tau. Koirā te timatanga o te whakairo e pā ana ki tō tatou nei reo. Ehara i te mea ko te reo anahe te kaupapa nui, ēngari, ko tēnei āhuatanga o te korero i te reo Māori noaiho, he reo hono me kī, ki wanega i a mātou me te kāwanatanga. Koia nei tētehi Kaupapa e taea ana e mātou te whakatūtū pai.’