Ko tōna whakaingoatanga ki te tūranga tuawhā o te rārangi ingoa o te Pāti Māori he mea whakakipakipa i ngā rangatahi o te motu kia whai wāhi atu ki ngā whiringa pōti ā te Oketopa.
Koia nei te kī a Hana-Rawhiti Maipi-Clarke, e 20 tau te pakeke, whai muri i te rongo nā runga i ngā tatauranga tōrangapū o te wā, ka tōtika atu ia ki te Whare Paremata hei ngā whiringa pōti nei.
Heoi tonu, hei tāna, ko te mahi i te mahi e kōkiri ai āna kaupapa matua, ko te oranga o te iwi Maori, ko te taiao, me te whai mātauranga, te whāinga nui māna.
Hei tā Hana-Rāwhiti, “Mō tātou [o Te Pāti Māori], he akiaki, he panoni i te reo tuku ki te rangatahi hoki. Ko te nuinga o te wā, ko te ao tōrangapū me te reo o te ao tōrangapū he taumaha, he āhua āwangawanga ki te whai i ētehi wā. Nā reira ko te māmā haere o te tūhono i te reo ki te ao o te rangatahi.”
