November 03, 2022
Mate kaikiri, mate hinengaro, mate whare wānanga
Posted On November 3, 2022
0
Ko te kaikiri ki roto i ngā whare wānanga me ngā raru oranga hinengaro ētehi o ngā wero matua kei mua tonu i ngā tauira Māori o te motu.
Koia te whakatau a te rōpū o nga tauira Māori, a Te Mana Akonga, me tō rātou tumuaki a Kyla Campbell-Kamariera. Hei tā Campbell-Kamariera, ko te whāinga o Te Mana Ākonga kia rangona ngā hiahia o te tauira Māori ki roto i ngā whare wānanga, ā, ki roto i ngā kaupapa nui o te motu hoki.
Ahakoa he nui ngā hua kua puta i ēnei mahi, ka werohia tonutia ngā tauira e te toimaha o te kaikiri me te mate hinengaro.