I tukuna te petihana a Ngāti Kahungunu ki Pāremata i tērā wiki, tata ki te 53,000 ngā hainatanga e karanga ana ki te Kāwanatanga kia tiakina ngā tohutoro ki Te Tiriti o Waitangi i roto i ngā ture.
E ai ki a Minita Shane Jones, he rerekē ngā tohutoro ki Te Tiriti i roto i ngā ture.
Mā te pire a te Kāwanatanga e muku, e whakarerekē rānei i ētahi o aua tohutoro, ā, i ētahi wā, ka tono noa kia whai whakaarohia a Te Tiriti.
Ahakoa te karanga a ngā iwi kia mau tonu ngā tohutoro ki Te Tiriti i roto i ngā ture, e ai ki a Jones, kāore ētahi o aua tohutoro ki Te Tiriti i te hāngai, ā, kua tae te wā ki te whakahou i tēnei āhuatanga.
