$1.7 Miriona mō te 500 Rangatahi
E whā ngā kaupapa whakangungu rangatahi i Te Matau-a-Maui e tatari ana kia whāngaihia rātou ki te pūtea a He Poutama Rangatahi. Hei tā Willie Jackson, Minita i ngā take Whai Mahi, kotahi ira kati whitu miriona taara ka whakapaua e ia ki aua kaupapa e whā kei roto i ngā tau e rua nei kia tutuki ai te whainga kia whai mahi te rima rau rangatahi o ēra kaupapa e whā.
Kooti Taiao a Ngāti Tamarangi
Kua tae atu te hapu o Mua Ūpoko, arā, a Ngāti Tamarangi ki mua i te aroaro o te Kooti Taiao ki te wero i te mahi a te Kaunihera o Horowhenua e raweke nei i tētahi waahi tapu kia tū ai i a rātou he waikeri āwhā ki reira. Hei tā Vivienne Taueki o Ngāti Tamarangi, kei te whakahē rātou i tēnei mahi a te Kaunihera i raro i ngā ture mō ngā waahi tapu, mē te aha, kaore anō te Kaunihera kia kōrero ki a rātou mō tēnei mahi. Hei tā Gerard O’Neill o te Kaunihera, i kiia rātou ehara i te mea me whakapā atu rātou ki te iwi mō tēnei mahi. Hei tā Taueki, kei te tūkino waahi tapu te Kaunihera.
Whakatū Whare a Pare Hauraki
Kua rere ngā karakia e tīmata ai te mahi whakatū whare a Pare Hauraki ki roto i te uru o Tāmaki. Kei te mahi tahi a Hauraki me te Te Tumu Kainga ki te whakatū i te whā tekau mā iwa whare ki Whenuapai mō ngā whānau o te ope kātua. Hei tā Paul Majurey o Hauraki, koinei tētahi tauira o te hua ka puta i ngā whakataunga Tiriti.
!["p_facebook"]("/site/uma/images/story_img/facebook.jpg")
& !["p_twitter"]("/site/uma/images/story_img/twitter.jpg")
Copyright © 2018, UMA Broadcasting Ltd: www.waateanews.com
