May 21, 2024
Rangi Matamua | Ka mau tonu a Matariki hararei ā, haere ake nei.
![Watermark](/wp-content/uploads/2021/05/logo-4.png)
![Stars bright and gloomy in Waikato show](https://waateanews.com/wp-content/uploads/2021/08/matariki-1.jpg)
Ka tū tonu te hararei o Matariki, ā, haere ake nei. Koia te whakautu a te Kaitohutohu Matua o Matariki, a, Tākuta Rangi Matamua, ki te hiahia a te kāwanatanga ki te whakahōu i ētahi wahanga o te Ture Hararei me te whakapae ko Matariki pea tērā.
Hēoi ki tā Matamua, he mea hōu ēnā kōrero ki a ia, ā, kei te tautoko tonu te kāwanatanga i te kaupapa o te hararei nei.
“Kei te haere tonu tā tātou kaupapa, ka mau tonu tēnei hararei a Matariki i tēnei tau ā haere ake nei. Nāreira, kua rangona ahau ētahi kōrero mō te hararei me etahi whakaaro e mea ana ka poroa tēnei hararei engari he kōrero hōu tēnā ki a au, ko au kei te tari o te minita e mahi ana, kāore anō te minita kia kōrero mai ki a au mō ēnā whakaaro, nō reira kāore au i te tino mōhio mena kei te tika kei te aha rānei engari i tēnei wā kei te kōkiri whakamua tā tātou kaupapa me te tautoko a tēnei kawana me te minita ki te kaupapa whakanui i a Matariki ia te tau.”Tāria te 3 o Hune e puta ai ngā whakaritenga okawa mō te kaupapa 2024.