Kei te māharahara ngā hapori o Te Tairāwhiti ki te wānanga e haere ana, e mea ana tērā pea ka mate rātou ki te wehe i ō rātou whenua, whai muri i te pūrongo a te kaunihera e tohu ana ko tērā te ara e waatea ana hei tiaki i ngā kāinga kei ngā wāhi tino mōrearea.
I pāngia a Wharekahika, a Onepoto, a Te Araroa hoki e te waipuke, e ngā horo whenua i te marangai o Hānuere.
Hei tā Takuta Wayne Ngata o Te Tairāwhiti, ko te mahana haeretanga o te hau me te wai he mea tautuhi i te kakatamaitanga o te huarere kino, ā, ki te tau iho mai he ua nui, ka kī pai te tēpu wai, tētahi ka waipuketia te whenua. Kāore anō tēnei take kia tau, e haere tonu nei ko ngā tauwhitiwhiti kōrero.







