I puta te oati a te Rōpū Kākāriki e mea ana ki te tū rātou hai kāwanatanga ka tukuna te $200 miriona ki ngā kaupapa whakaora reo ki ngā kaupapa whakapakari reo hoki.
Ka ahu atu te nuinga o te pūtea nei ki te rāngai mātauranga hei tautoko i ngā kaiako me tauira i ngā kura o te motu, ka tau hoki tētahi whatinga pūtea ki a Te Mātāwai whakawhārahi ake i te tautoko mō ngā kaupapa reo Māori a ngā whānau, hapū me ngā iwi, ka tau hoki he pūtea ki a Te Taura Whiri i te Reo Māori hei whakawhanake i te reo Māori me te tautoko i te whakamahi tika o te reo.
E ai ki a Marama Davidson, mā te whakangao pūtea ki ēnei wāhanga katoa, ka kaha ake te tipu o te reo Māori i ngā kura, i ngā hapori i ngā whānau huri i te motu.
