Kei te kaha ake te pāngia o te Māori e te compulsory mental health treatment, arā, ko te whakahau kia whiwhi maimoatanga hauora hinengaro te tangata ahakoa kāore pea ia i te whakaae. Waihoki, ko te seclusion, arā, ko te mauhere i te tangata ki roto i tētahi rūma ko ia anake, kāore hoki e āhei te puta ki waho.
E ai ki a Maraea Johns, te Kaiwhakahaere Māori Hauora i Te Hiringa Mahara, he āwangawanga nui tōna mō te whakanoho i ngā rangatahi ki ngā whare maimoa i ngā pakeke.
Ko tāna, me aro te kāwanatanga hou ki ēnei take, kia tau ai ki te Māori me ngā rangatahi te manaaki me te tautoko e tika ana.
