Hai tā te Pāti Kākāriki, ki te tū anō a Nahinara rātou ko ACT ko NZ First hei kāwanatanga, ka takahia kinotia te oranga o te taiao. Hei taunaki i ērā whakapae ā rātou, i whakarārangihia ngā ture me ngā whakataunga ā-kāwanatanga tekau mā rua hei whakaatu ki te motu i te nui o ngā ture e whakaae ana ki te whakawhanake i te whenua me te moana.
I te rārangi kaupapa rā ko te keri maina ki ngā whenua whāomoomo, te whakarerekē i ngā ture hī ngohi, te tūhura anō i te hinu me te haurehu ki tai, me te whakaiti i ngā haumarutanga i ngā kōawa, ngā repo me ngā koiora taketake o te motu.
