I whakawhiwhia tētahi kaupapa rangahau hou ki te $300,000 mō ngā tau e rua, hei rangahau i ngā painga o te kapa haka ki te hauora o te manawa.
Ko Te Ara Haka Ora te ingoa o te kaupapa, ā, ka mātaitia ngā ara Māori hei āwhina i te ārai me te whakaora i ngā mate manawa.
E ai ki a Joe Pihema, Pou Tikanga i Pūtahi Manawa, mā te rangahau nei e whakaatu i ngā taunakitanga mō ngā painga hauora o te kapa haka.
Hai tāna anō, ka noho tonu te mana o te kapa haka ki ngā hapori Māori, ā, ko te wawata kia whai hua ngā kitenga ki te hauora o ngā whānau.
