I te hokinga mai o Te Matau a Māui ki tōna ūkaipō, ki Te Whanganui-a-Orotū o Ahuriri i tērā wiki, i kōrero mātou ki te kaitono o Reipa mō Ikaroa-Rāwhiti, ki a Cushla Tangaere-Manuel, ki te rongo i ōna whakaaro mō tēnei kaupapa.
Hei tā Cushla, ko tētahi o ngā tino painga o ngā kaupapa pēnei ko te kite tonu i te ora o tō tātou mātauranga me ngā tikanga tuku iho a ō tātou tūpuna i ēnei rā.
Hai tāna anō, i te mea ko ia te māngai mō Reipa mō ngā kaupapa hākinakina me ngā āhuatanga whakangahau, e hiahia ana ia kia nui ake te tautoko mō ngā kaupapa pēnei i te waka hourua me te waka ama.
