E 50 pea ngā whānau, mai i ngā rangatahi tae atu ki te hunga e pāngia ana e ngā mate hauora, kua noho ki ngā tēneti me ngā wāhi whakaruru i hangaia ki te Old Boys Rugby Club i Whangārei.
I tēnei rā, tata ki te 10 ngā whānau e noho tonu ana ki reira, ā, i whakahaua rātou e te kaunihera kia whakawaateatia te wāhi.
E ai ki te kaunihera, kua noho mōrearea te wāhi nā te nui o ngā para me ētahi atu take e pā ana ki te hauora me te haumaru o te tangata. Engari e mea ana ngā whānau, kāore he wāhi kē atu hei wāhi noho mā rātou.
I tūtaki a Huhana Lyndon i a rātou i tēnei ata, ā, hei tāna, kei hea ngā ratonga hei āwhina i a rātou ki te whai whare?
