I tae te tira hoiho o Ngāti Kahungunu rātou ko ngā kaitautoko i te kaupapa ki Pāremata i tēnei rā.
Kua tata ki te 53 mano ngā waitohu ki te petihana, he pētihana āki i te kāwanatanga kia whakakore i ngā mahi whakangoikore i ngā tohutoro ki Te Tiriti o Waitangi me ōna mātāpono i roto i ngā ture o motu.
E ai ki a Shane Jones, kāore ngā tohutoro ki Te Tiriti i roto i ā tātou ture i te ōrite.
Ahakoa te karanga a ngā iwi kia noho tonu ngā tohutoro ki Te Tiriti i roto i ngā ture katoa, kāore a Shane Jones i te tautoko i tēnei, hai tāna kāore ētahi o aua tohutoro i te hāngai.
