I kōwhiria a Ngāi Tahu Farming e te Papa Atawhai hai kaiwhakahaere i tētahi o ngā pāmu nui rawa o Aotearoa.
180,000 heketea te rahinga o tēnei pāmū, he āpitihanga tēnei ki te whānuitanga o ngā mahi ahuwhenua e whakahaerehia ana e Ngāi Tahu puta noa i Te Waipounamu.
E ai ki te Minita Whāomoomo a Tama Potaka, kei te mahi tahi a Te Papa Atawhai (DOC) me Ngāi Tahu Farming ki te whakarite i te āhua o tētahi whakaaetanga, me te tūmanako ka kaha ake ngā mahi whāomoomo, ka whanake hoki ngā mahi ahuwhenua me ngā mahi maimoa i te taiao.
