Inā wehe atu ā tātau rāngatahi i ngā hapori moroiti o te motu, ka ora tonu, ka tāmate rānei aua hapori?
E ai ki a Tama Potaka, he wero nui tēnei e pāngia nei ngā hapori iti, arā, ko te whatitanga atu o ngā rangatahi ki te whai mātauranga, ki te whai mahi ki te whai whare noho hoki.
Hai tāna anō mēnā ka haere tonu tēnei āhuatanga, ka mimiti haere ngā pae i ngā marae ka mimiti hoki te taupori o ngā hapori.
E ai ki a ia, kua whakapaua e te Kāwanatanga te $125 miriona hai pūtea whāngai i ngā marae hai whakatū tūnga mahi mā ngā whānau o aua takiwā.
