I tukuna e te Kāwanatanga he $10 miriona hei whakapai ake i ngā ratonga hauora hinengaro me ngā ratonga āwhina waranga, pēnei i a Lifeline, Youthline me Whakarongorau.
Mā tēnei pūtea ka taea e ēnei ratonga te whakautu i ngā waeatanga atu, me te hono wawe i te tangata ki ngā āwhina e tika ana.
Heoi, hei tā Te Hiringa Mahara, he nui tonu ngā āputa i roto i te pūnaha hauora hinengaro, ā, ko te rangatahi Māori e tino pāngia ana. Hei tā Maraea Johns, me whakapiki hoki te pūtea mō ngā ratonga hauora Māori.
