I te hiku o tērā wiki, i puta i te Kāwanatanga he ture hou hei whakamāmā ake i te hanga papakāinga ki runga i ngā whenua Māori.
Ka whakakotahi ēnei panonitanga i ngā ture puta noa i te motu, ā, e ai ki ngā kōrero, ka āhei ngā whānau ki te hanga kia tekau ngā whare ki runga i ētahi whenua Māori.
E hūrō ana ētahi o ngā rōpū hanga whare Māori i tēnei panonitanga. Heoi anō, e kī ana rātou ehara i te mea mā ngā panonitanga ture anake e nui ake ai ngā whare, me whai tautoko me te pūtea hoki.
E whai ake nei ko ngā whakamārama a te Minita Whakawhanake Māori, a Tama Potaka.
