E ai ki Te Rūnanga Nui o Ngā Kura Kaupapa Māori, kei te takahī ngā panonitanga e marohitia ana e te Kāwanatanga mō te pūnaha NCEA i ngā motuhaketanga o Ngā Kura Kaupapa Māori.
E ai ki a Rawiri Wright, e aro ana te pūnaha hou ki ngā hua mātauranga anake, engari e aro ana a Te Aho Matua ki te tamaiti me ōna whānuitanga, arā, ko te wairua, te whakapapa, te hononga ki te taiao me te ahurea.
Hei tāna, i ahu mai Te Aho Matua i tēnei whenua, engari ko te pūnaha o nāianei i takea mai i ngā tauira o tāwāhi.
