E ai ki a Toka Tū Ake arā a Natural Hazards Commission, kei te nui haere te mōrea o ngā horonga whenua ki ngā hapori huri noa i Aotearoa. Nā taua āhuatanga, kua piki ake ngā kerēme e pā ana ki ngā pānga o te huarere ki ngā whenua me ngā whare.
Hai tā te Pouwhirinaki o Toka Tū Ake, a Matthew Gifford, ko tētahi āhuatanga e kitea nuitia ana, he tokoiti noa ngā whānau Māori e whai inihua ana hei whakahaumaru i ō rātou whare, hai tāna ki te pāngia te whare e ngā āwhā e ngā horonga whenua kei reira he taura ora, ki te kore tērā taura ora ka uta taua utunui ki runga pū i ngā whānau hai pikautanga mā rātou.
