E māharahara ana a Shane Wikaira, he kainoho nō Whirinaki, he uri hoki nō te hapū o Te Hikutū, mēnā ka anga whakamua te mahere a te kaunihera ki te hiki i te hapori o Whirinaki ki ngā whenua teitei ake, ka ahatia aua whenua, ā, ka riro i a wai te mana whakahaere i aua whenua hoki.
Kei te wānanga tonu te kaunihera me ngā kainoho o te takiwā i taua whakaaro nā te nui o ngā waipuke kua pā mai i ngā tau kua hori. Hai tā ētahi, e rite ana rātou ki te neke, engari e ai ki te nuinga o ngā kainoho Māori, nā te mataku kei motu rātou i ō rātou whenua, ka noho tonu rātou.
