Kua pā te mate kauri dieback ki tētahi o ngā ngahere kauri i Whangārei.
E ai ki te tohunga rongoā, kua roa nei e oke ana kia kauri ora o tātau rākau taketake o te wao e ai ki Tohe Ashby, me tīni ngā wai i ngā teihana horoi.
E kī ana ia me whakamahi kē ngā rongoā taiao pērā i te mānuka me te tohorā hai ārai i ngā mate urutā e whakahingahinga nei i te kauri.
E tono ana ia kia whakamahia te wai mānuka i ngā teihana horoi, ā, kia tuku hoki i tana rōpū ki te mahi i te mahi rongoā i ngā rākau kua pāngia.
Ahakoa tana tono, e ai ki a ia kāore anō ia kia rongo kōrero mai i te kaunihera.
