I whakaputa te Rōpu Kākāriki i tana rārangi kaitono mō te kōwhiringa pōti e haere ake nei, e whakaū ana ko wai mā ka tū me te raupapatanga o ngā tūnga.
Kei runga tonu a Marama Davidson rāua ko Chlöe Swarbrick hei kaiārahi o te rōpū.
Kei te tūranga 7 a Hūhana Lyndon, e whai tūnga pai ana ia kia hoki anō ki te Pāremata.
Mēnā ka uru te Rōpū Kākāriki ki tētahi kāwanatanga hou, tērā pea ka whakaarotia ia mō tētahi tūranga minita.
E ai ki a Lyndon, ko tana aronga matua ahakoa pēhea ko te oranga o ngā whānau katoa o Te Tai Tokerau.
