Ko tētahi whakataetae hōu, ko Waha Kōrero he wāhi e taea e te kaikōrero Māori te oroia tōna arero whaikōrero.
Koia te kōrero a tāhuhu rangapū o Te Taurawhiri i te reo Māori a Ngāhiwi Apanui, whai muri i te whakarewa o te rehita ki te whakataetae nei ka tū ā te wiki o te reo Māori, ā te Hepetema.
He $10 mano tāra ka riro i te kaiwikitōria, ā, hei tā Apanui, mā te kaupapa nei e whai wāhi ngā tini mātanga reo Māori te whakamahi ō rātou pukenga.
“Te Waha Kōrero he kaupapa i ara ake i roto i ngā tau tata nei me te whakaaro tō mātau whakaaro he aha i mutu ai te whakataetae o te kōrero i te kura? Pērā tonu i te manu kōrero i te mea hoki kāore he wāhi hei whakatenatena, hei whakakoikoi i ngā naihi o te hunga e hiahia ana te tū marae. Nā reira i puta te whakaaro ki a mātau i te mea hoki koia tētahi o nhgā āhuatanga e tōtō mai te tangata.”
