Kia mataara ki ngā pūkohu wai tāoke i ngā awa, i ngā roto hoki i te Waiariki ā te raumati nei.
Koia nei te kī a Tākuta Gregory Evans, rata matua ki te rōpū hauora tūmatanui a Toi Te Ora. Hei tāna, mā te pā ki te pūkohu wai e māuiui ai pea te tangata. Ko te raru o te puku, ko te kōpukupuku, ko te huangō ētehi o ngā hua.
Hei tā Evans, ko ngā tohu o te pūkohu wai tāoke ko te rīraparapa o te karetai o te wai, o te takere o te roto hoki, e pēnei ana i te whāriki (tirohia te whakaahua). Tērā pea ka haunga te wai, ka kitea ngā korakora kākāriki, paurauri rānei e iri ana i te wai.
Hei tā Evans anō, i tēnei wā, he pūkohu wai ki ngā roto o Ōkara, o Maraetai me Ohakuri hoki. Ka kī tonu ia mēnā e āwangawanga ana te tangata kua pāngia pea e te pūkohu wai, me horoi te tinana i raro i te tāuwhiuhwi, me panoni i ngā kākāhu hoki.
