November 28, 2023
He piki tūranga, he piki kōtuku
He piki tūranga, he piki kōtuku ki Te Wai Pounamu. Kua kōwhiria a Justin Tipa hei kaiwhakahaere o Te Rūnanga o Ngāi Tahu, whai muri i te hekenga o Lisa Tumahai.
I eke Tangaroa a Tipa i tētehi hui ā-iwi i tū i tērā Paraire i Arahura Marae.
He kaitonotono Māori a Tipa ki te kamupene mīraka a Fonterra, ā, i ngā tau e whā kua hipa nei, i tū ia hei māngai mō te Papatipu o Moeraki ki te Rūnanga o Ngāi Tahu.
I tā mātou hōtaka parakuihi a Paakiwaha i te ata nei, i kī mai a Tipa he nui tā te iwi tautoko i a ia i roto i ngā tau. He hua ia o te hōtaka whakatipu reo e kīia nei a Kotahi Mano Kaika me ētehi atu whakaaturanga hei whanake i ngā pūkenga tātāriki.
Hei tā Tipa anō, kua tae ki te wā kia huri ōna pūkenga ki te anga whakamua ngā whāinga o te iwi, e waru tekau mano tāngata te rahi.