‘Kī ana te rukenga kai i ngā taiora, mā tātou e huri hei rauemi.’ Koia nei te karanga a te Kaunihera o Tāmaki Makaurau ki ngā kainoho o Te Tai Tonga i mua i te rewatanga o tana ratonga rukenga kai ki ngā whare katoa o te takiwā.
E ai ki a te kaikaunihera mō Manukau, e ai ki a Alf Filipaina, kua tohaina ngā ipu rukenga kai kotahi rau mano ki tēnā whare, ki tēnā whare o Te Tai Tonga hei rau i ngā toenga e pēnei ana i ngā huawhenua, ngā huarākau, ngā rukenga mīti, te pāraoa me ngā pāpapa manu.
Hei tā Filipaina anō, ā te Māne e haere ake nei tīmata ai te ratonga kohikohi kai. Ka kawea ngā rukenga kai ki Reporoa, i reira hurihia ai hei ngao parakore, hei wai whakahaumako hoki. Hei tā Filipaina anō, ko whāinga kia kaupare atu i te tuku toenga kai ki roto i a Papatūānuku, i reira puta mai ai ngā kati e whakamahana nei tō tātou ao.
