Nō rātou te whakamanawatanga ki te tiaki i Ngā Manu Kōrero 2023

Waatea Team Kiringaua Cassidy

Download Audio

Ko te noho tahi a te teina me te tuākana te āhuareka o te whakataetae Manu Kōrero ā-motu e tū ana mō te wā tuarua noa iho ki te rohe o Ōtākou, i te Taurapa o te waka a Māui.

Nō nānahi tū ai ko ngā tuākana, nō te rangi nei ko te wāhi ki ngā teina, Hei tā te māngai mō te kaupapa nei, hei tā Kiringaua Cassidy e hikaka ana rātou ki te hiki anō i te mana o tēnei kaupapa ki roto i ā rātou o Te Tai Tonga,

“kua 13 tau i tērā atu wā i tū te kaupapa ki roto i ā mātou he tuaruatanga noa iho tēnei ki roto i ā mātou ki te whakahaere i tēnei kaupapa e tino waimārie ana mātou kua hoki mai te mauri o te kaupapa ki roto i ā mātou, ā, me te whakaaro hoki ki te tini o ngā pakeke, o ngā kaumātua kua hinga i roto i ērā tau. He roa rawa tē taea te whakaingoa te katoa, heoi anō koinā te whakatinanatanga o ā rātou wawata,” te kōrero a Cassidy.

RELATED NEWS

E rua rau tau te roa o Te Ātiawa tatari E heke ana ngā tatauranga whakamomori Mā te whēako e mōhio ai: Te Puoho Katene