September 20, 2023
Ka opeti mai ngā kaimahi o Whānau Ora ki te whakapakari i ā rātou anō
Hei āpōpō tū ai te wānanga a ngā kaimahi o Whānau Ora i Te Waipounamu, hei tūari whakaaro, hei whakapakari māhere i waenga i ā rātou kaimahi kia kaha tonu te whakapikinga i te oranga a ngā whānau huri i a Aotearoa.
Koia te kōrero a māngai o Te Pūtahitanga o Te Waipounamu a Harley Kaihe-Katterns, pouwhakatere o Te Pūtahitanga, hei tāna, ko Kahurangi Valerie Adams rātou ko Tākuta Selina Tusitala Marsh, ko te Mana Tāne wānanga ētahi o ngā kaikōrero ka whakahihiri i te mahara,
“ko te mea tuathi he whakanui i ngā kaimahi o tēnei kaupapa o Whānau Ora i ā rātou huri noa i te motu e puku mahi ana, ā, ko te hae papa tuarua ko ā tātou nei whānau, mō mātou hei āwhina hei tautoko i ā rātou. Mō tāku nei kī, hei tūtuki i ā rātou ō rātou nei moemoeā. Koirā te mea nui ko te whānau te mea nui o tēnei kaupapa,” te kōrero a Kaihe-Katterns.