September 06, 2023
Kia puta te reo Māori ki te ao!
He aha te mea nui o te pāpāho i te reo Māori? Ko te rāngona whānuitanga o te reo ki ngā pito katoa o te motu, otirā, puta noa ki te ao.
Hei tā te autaua hākinakina a Rangiata, hei tā Tumamao Harawira, mā te whakaputa i te reo ki te ao e mana ai tana tū hei kaipāpāhō i ngā kēmū pēnei i te whakataetae a ngā Ōpango ki a Wīwī ā te Hātarei mō te kapu o te ao whutupōro. Kua whakaingoahia a Harawira, raua ko Te Aorere Pewhairangi hei autaua reo Māori a Rangiata mō te tukinga nei.
“Ko te whakatairanga i tō tātou reo, ko te whakarite i tētahi taumata e rewa ai te reo ki ngā kokonga katoa o te ao, ki ngā hau e wha o te motu, ko te whakarite wāhi e whakatangatawhenua ai tō tātou reo ki ēnei tūmomo mahi, te mea nui ki a au.”