Listen Now: 
Ma te whakarewatanga o tētahi tūranga hou ki te Wānanga Aronui o Tāmaki Makaurau e hāpai ai tā rātou rautaki hou kia whakauru atu te Tiriti O Waitangi ki ana whakahaerenga.
Koia te kī a te Tumuaki Matua, arā, vice-chancellor o te whare wānanga, a Damon Salesa, i tētahi īmēra ki ana kaimahi, me te wawata hoki mā tētahi Tumuaki Whakatomua i ngā Take Māori (deputy vice-chancellor Māori) e whakahaere i tā rātou rautaki ki te taha i te Tumuaki Rangahau (DVC Research), me te Tumuaki Kaupapa Mātauranga (DVC Academic).
Hei tā Salesa, kua tonoa ngā kaimahi me ngā hoa mana whenua o te whare wānanga ki te whakapuaki i ō rātou whakaaro mō te whakaaro nei i roto i te marama e tū mai nei, ā, mehemea ka anga whakamua te kaupapa nei, ka whakatairangatia te tūranga ā roto, ā waho hoki i te whare wānanga.
Ka whai te mahi nei i te whakarewatanga i tērā wiki o tā te whare wānanga rautaki Tiriti o Waitangi, ko Te Aronui tōna ingoa, hei whanake i ngā tikanga o Te Tiriti ki roto i te whare wānanga.
RELATED NEWS
