August 04, 2023
E moe Oranga Tamariki, kaua e tangi e.
Kua roa a Oranga Tamariki e noho raru ana, ā, kua tae ki te wā ināeanei ki te whai rautaki kē atu e whakapūmau ai te haumarutanga o ngā tamariki mokopuna Māori.
Koia te kōrero a te kaiarahi takirua i te pāti Māori a Rawiri Waititi, whai muri i te putanga o tā rātou kaupapa here hōu e whai ana kia whakatūhia he Manatū Mokopuna Māori.
“Ka roa nei tātou e kite i a Oranga Tamariki e hāmene, e whakararuraru nei i wā tātou tamariki mokopuna, he tari tāhae, he tari tāhae mokopuna, tāhae tamaiti Māori, he tari whakararuraru whānau, he tari kāore he aroha noa ki ō tātou iwi Māori. Ka aroha nei tātou e kite i ērā tuāhuatanga.”