Mā te patu i ngā kīrerea e ora anō ai te ngahere o Raukūmara. Koia nei te aronga o tētehi hōtaka tiaki ngahere a Te Whānau ā-Apanui me Ngāti Porou kātahi anō ka whakawhiwhi i tētehi tohu a te Reo o te Taiao, arā, Forest and Bird.
I riro te hōtaka, e kīia nei Te Raukūmara Pae Maunga, i te tohu Kōtūku i tā Te Reo o Te Taiao pō tuku taonga i tē Hātarei i Te Whanganui a-Tara. E ai ki a Caleb Wharepapa, kaimahi ki Te Raukūmara Pae Maunga, nā te kaha o te ū ki te kaupapa te hōtaka i toa ai.
“I tino waimārie mātou, te hari me te koa o te ropū ināianei. E 42 ngā kaimahi ināianei i te kaupapa Te Raukūmara Pae Maunga, mai i Te Whānau a Apanui nei me Ngāti Porou.”
