Kia ora ai te manu kiwi

Waatea Team Te Paerangi Kopa

Download Audio

Ko tōna e 68,000 ngā manu kiwi kei te ora tonu i te ao, he hekenganui tēnā i te tini manamano o ngā manu kiwi i hīkoia ki te nuku, i nōhia ki te rua.

Nō reira, kei te whakahaeretia e Te Papa Atawhai i tā rātou kaupapa hei whakaako i te kurī kia kaua e aru atu ki te whai i te manu kiwi, hei kai, hei aha atu rānei mā aua kurī.

I whai wāhi atu a Te Paerangi Kopa, o Kaitiaki Kauri, ki te whakaharatau i te hunga ngau pōaka, hei whakaako i ā rātou kurī, kia ora rawa ai te kiwi i tōna ake whenua.

Hei tāna, “Kia akongia ki ngā kaiaru, otirā ki ngā kurī, kia kaua e whai i te kiwi. Mā roto i te mau taonga kakī, ka whakahiko i te kurī i te wā ka whai atu ia i te kiwi, i te haunga, i te kakara o te kiwi, pēnā ka tū ana taringa pēnā ka whakamātauhia mātou ngā kaiako kei te pīrangi tēnei kurī ki te kakara o te kiwi nei, kātahi ka whakahikongia pea kia mōhio te kurī kia rongo te kurī i te mamae, kāore ia e aru.”

RELATED NEWS

Te Ao with Moana: Vax facts with Māori doctors Media Release: Ngāti Whātua Ōrākei do not support protest actions against vaccination and mandates Media Release: Kiingitanga calls for peaceful end to protests