E hia nei ngā wiki e kimikimi ana te Pāti Reipa i tētahi kaitono hōu hei kanohi mō Ikaroa-Rāwhiti i tēnei tau pōti.
Nā te wehenga tūmeke a Meka Whaitiri i a Reipa, ki te whakawhiti atu ki te Pāti Māori, hei kaitono mā rātou, kua whakaingoatia e te Pāti Reipa a Cushla Tangaere-Manuel hei kaitono ki te tūru Māori o Ikaroa-Rāwhiti.
Nō mua i tana kopoutanga ko ia te Kaiwhakahaere Hōtaka Māori ki te Uniana Whutupāora o Aotearoa, ā, nāna hoki i hautū te uniana whutuporo o Ngāti Porou.
Apiti ki tēnā he kairīpoata ia ki te hōtaka o Marae, he kaimahi hoki ki Whakaata Māori i ngā tau ki muri.
Hai tā Cushla Tangaere-Manuel he nui ana wheako i tana noho ki uta ki te waoku, ka mohio ia ki nga hiahia nui o te takiwā.
“Ko ngā rori, ko te hauora, ko te mātauranga, te kimi whare, te kimi mahi hoki koirā katoa ētahi kaupapa kei mua i te aroaro
