Listen Now: 
Download AudioĀ te Hatarei tū ai ngā whetū o te ao waiata Māori pēnei i a Sammy J me House of Shem ki te Rā Hapori o MUMA, arā, te Manukau Urban Maori Authority, ki Ngā Whare Wātea Marae i Māngere.
E ai ki te heamana o MUMA, ki a Bernie O’Donnell, ko te whakangahau nei he mea hei whakapiki wairua whai muri i ngā waipuke i pā kino ki te Tai Tonga o Tāmaki i te Hanuere. Ko te tikanga ka tū kē te kaupapa i te Rā o Waitangi, heoi nā Huripari Gabrielle rātou i raru ai.
E ai ki a O’Donnell, “Ko te take nui rawa atu o tēnei kaupapa ko te whakawhanaungatanga o tātou ki a tātou … he wāhi, he momo atamira mō tō tatou hapori nei, iwi Māori, urban Māori rānei, kia haere mai ki te noho tahi, ki te kai ngātahi i roto i te kaupapa nei o te whakangahau.”
Hei ta O’Donnell anō, ka tuwhera hoki ngā wāhi hoko kai me ngā ratonga a MUMA, pēnei i tana kura kaitaraiwa, te pātaka kai, Whānau Ora, Te Reo Irirangi o Waatea me Te Kura o Wātea hoki.
Whakarongo ki te uiui katoa ki konei.
RELATED NEWS
