March 29, 2023
Kua tīmata anō te kautetanga ki Te Tai Rāwhiti, Te Matau a Māui
Kua tīmata a Tatauranga Aotearoa ki te kohikohi anō i ngā pepa tatauranga mai i ngā rohe kua pākia nuitia e Huripari Gabrielle, pēnei i Te Tai Rāwhiti me Te Matau a Māui.
E ai ki a Atawhai Tibble, kaiwhakahaere Māori mō Tatauranga Aotearoa, kua āta wānanga tana ohu ki ngā iwi me ngā kaunihera o ngā rohe i ngā wiki e rua kua hori ki te whakarite rautaki e pai ai te kohinga o ngā pepa katoa.
Hei tāna, “Ko Ngāti Porou me te Rūnanga o Tūranga Nui a-Kiwa kei te kohikohi i ngā pepa i waenga pū o te taone o Turanga nui-ā-Kiwa. Kei te mihi au ki aku rangatira, ki a George Reedy otirā ki a Ron Nepe, ko rāua kei te hautū i te kaupapa i taua wāhi. Ka hoki aku mahara ki te kōrero a Ron i taua wā kātahi anō ka patua mai tērā hau tipua i runga i tō rātou whenua, ko tāna ki a mātou ahakoa koia nei pea te wā kikino ki te kohikohi i ēnei mātauranga, me pēwhea tātou e hanga pai te āpōpō ki te kore tō tātou raraunga hei ārahi i a tātou.”
Whakarongo ki te uiui katoa ki konei.